واحد الطلاب كان يهدر مع وحدة سمينة قالها 'اعطني الدراهم باش نشري الخبز راني يومين ما كليتش' قاتلو' راني حاسداتك على لاطاي نتاعك يرحم ابوك قولي شكون الطبيب اللي عطاك هدا الريجيم'
زوج كباش تفاهمو مع بعض ..كل واحد يعور الاخر ..باش ما يدبحوهمش فالعيد الكبير
قالك واحد السيد تصور بين 2 ومبعد حار.... وبعثها لصاحبته...وكتب تحتها ملاحظة "راني فالوسط
واحد كان يتبع في وحدة قالها "واش بيك تجري واش راه وراك " قاتلو"راه ورايا حمار"
قالك واحد الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش شحال للكيلو"
واحد الكلب قعد غي ينبح حتى وجعوا راسو.....علاه..كان ينبح على واحد اطرش
خطرة واحد كان يسرح بالنعاج اوحاط كراع فوق كراع ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة .....المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي .لقيت النعاج طاحو
مرة واحدكان قدام البحر هو و حبيبته ..ايا قاتلو"فاش يفكرك غروب الشمس " قالها "برجوع قرانديزر الى القاعدة"
قالك واحد مهبول دايمن حاكم الحيط و حاط وذنو عليه ويسمع كي شافو الطبيب قالو"واش راك تسمع" قالو المهبول "اسمع بوذنك" كي حط الطبيب وذنو على الحيط قالو "ماراني نسمع والو"ايا قالو المهبول "هادي اللي راها مهبلتني
